Uruti Maxaafa
Uruti Maxaafa
Giddo Qofa
Uruti taarikey saroteththi kumida taarike; Daannata Maxaafan yootettida makkallanchchata wode ha taarikezi xaafettides. Mo7aabe dere as Uruta Isra7eele asaappe issaa geladus. Izi azinay hayqqiin Isra7eele dere as gidida ba bolloteys keehi malalisiza ammaneteth bessadus. Hessaththoka qasse GODAA Isra7eele Xoossaa keeha siiqadus. Wurseththan beni ba azinaa dabbotappe issaa geladus. Hessan Isra7eele biittan gita kawo gidida Dawites ma7e gidanaas qaada demmadus.
Daannata Maxaafan diza taariketi Xoossa asay Xoossafe haakkida gaason istta gakkida bashshaa besseettes. Uruti Maxaafan diza taarikey ba wozina Isra7eele Xoossaako zaarida issi allaga maccassaya anjjettidayssanne ammanettida iza asaappe issineyo gida qoodettana dandaydayssa bessees.
Ha Maxaafay Oykkida Kumeththa Qofa
Nuhaama Urutira Beeteliheeme simo 1:1-22
Boo7eezera Uruti erateth 2:1—3:18
Boo7eezey Uruto machcho eko 4:1-22