Lum
Ŋwa wù Bol gɛ̀ saŋ fɛ kintaashɛ ki
Lum
le
Fiɛɛ fì le a Ŋwa wu Lum wunɛ le
Ŋwa wunɛ gɛ̀ saŋ Bol fɛ bamii ba mbɛmɛ ba Lum le ki wu sɛ̂ɛŋ bo fiɛɛ fì wu kee kune mbɛmɛ wù le wu bamii ba Kletu le, bɛ fiɛɛ fì mbɛmɛ wuyu goone lɛ bamii bayu gêe. Ŋwa wuyu wunɛ kɛme fiɛɛ fichii fì kune ban'yɛyɛ ba Bol fede baŋwa be bamu bachii.
Wu le wu jɛmɛ lɛ bamii bachii, kɛnɛ Bajuu kɛnɛ bamii ba le gɛ Bajuu gɛ̀ kɛme ki bo sêesɛ bikwɛɛ biboo lɛ bɛ Nyo, nje bo bachii kɛme bimbefɛ. Wu le wu jɛmɛ lɛ ki muh sêesɛ kikwɛɛ ke bɛ Nyo le gɛh sege wu lêesɛ fitele yi Jiso Kletu le.
Bol gɛ̀ bee wu saŋ tɛ ki wu sêesɛ njiɛnyɛ wù wu gɛ̀ goone ki wu gê wu jîɛnyɛ wu gɛ̂ɛŋ wu yɛ̂ŋ kintaashɛ ki bamii ba mbɛmɛ ki Lum kiyu le. Wu gɛ̀ seesɛ lɛ wu ge doo wu gɛɛŋ wu bu yo, wù nyû bɛ bo shige, wu gê lɛme a bo ntɛnɛɛ, bo tôoŋ wu, wu gɛ̂ɛŋ fwe, wu gɛ̂ɛŋ wu bû Sbɛŋ.
Bikwɛɛ bi mwɛɛ mù le a Ŋwa wunɛ le
1:1-17 Fɛŋkɛɛ bɛ kikwɛɛ ki njɛmɛ
1:18–3:20 Kune no bamii bachii ba yi nshɛŋ le goone lɛ ba bvûsɛ bo
3:21–4:25 Je yì Nyo goone lɛ bamii fê yo fɛ bo bônɛ
5:1–8:39 Kinche kifɛŋ kì bamii ba Kletu kɛme
9:1–11:36 Bamii ba Ishwala a ntaŋ wù Nyo le
12:1–15:13 Kinche ki bamii ba Kletu
15:14–16:27 Kimɛsɛ bɛ ban'yɛsɛ