Filibi
Ŋwa wù Bol gɛ̀ saŋ fɛ kintaashɛ ki
Filibi le
Fiɛɛ fì le a Ŋwa wu Filibi wunɛ le
Ŋwa wunɛ gɛ̀ saŋ Bol fɛ kintaashɛ ki bamii ba mbɛmɛ ki Filibi le. Wu le a ŋgoo yi baŋwa ba wu gɛ̀ saŋ yeh yi ncha le Lum. Fiɛɛ fì gɛ̀ ge Bol fɛ wu saŋ ŋwa wunɛ gɛ̀ bee ki wu dûnyɛ lɛ wu le wu yɛŋ bige bì kintaashɛ ki Filibi kiyu gɛ̀ chiiŋsɛ le. Kiŋkufɛ ki jɛ yi Bol ki a ŋwa wunɛ le, le lɛ, “Fɛ mɛne, mɛ nɛ nle yu, tu nle gɛh fɛ Kletu le, mɛ nɛ nle ŋkwe, tu le mbe fɛ mɛne (1:21).” Bol jɛme kune bvukugɛ bvu Tada wese besabɛŋ wù Jiso Kletu, no wu gɛ̀ shiishɛ kikwɛɛ ke wu tu njɛ nfwa, Nyo mo wu tu wu bɛɛŋsɛ wu, wu gɛɛ wu kijusɛ kì kuge kì fede ki muh wuchii le. Wu le wu taŋ bo lɛ kinche kiboo yi Kletu le, le nnya yi Nyo bii fitele fie fì joŋe fì wù kɛme fɛ bo le fede yi fitele fì bo lese yeye le, gɛ nyume nje bo gɛle banchi ba woŋ wu Bajuu gɛ. Ŋwa wunɛ le wu jɛmɛ baaŋ kune kinlaŋye bɛ ki gɛ̂ɛ bvufee yi fiɛɛ fi Kletu le ya maŋe gɛ bɛ ki nyûme yi kintaashɛ le bɛ ki kaane shɛ́ŋ yi mbɛmɛ le mo yi kinche kì mɛɛse le.
Bikwɛɛ bi mwɛɛ mù le a Ŋwa wunɛ le
1:1-11 Fɛŋkɛɛ
1:12-26 Mwɛɛ mù kooshi bɛ Bol
1:27–2:18 Kinche ki muh wù le wu taashɛ bɛ Kletu
2:19-30 Njɛme kune Timoti bɛ Ɛbafloditu
3:1–4:9 Nteefɛ kune bamii ba kimbanɛ mo baŋgɛ
4:10-20 Bamii ba Filibi le nsáa yi Bol
4:21-23 Ban'yɛsɛ