୧ କରନ୍ତିୟ
କରନ୍ତିୟ ମଣ୍ଡଳୀରେ ପାଉଲଙ୍କ ପ୍ରଥମ ପତ୍ର
ମା ମଣ୍ଡ୍ଲି ତାକେ ପାଉଲ୍ତି ପର୍ତୁମ୍ ଆକି
ପାଦେକ୍
ପର୍ତୁମ୍ କରନ୍ତିନି ଆକି ପକ୍ୟାତି ପାଉଲ୍ତି ହୁଦାଂ ଜିସୁ କ୍ରିସ୍ଟତି ଜଲମ୍ନି ରିକଡ଼ି ପନ୍ଦର ୫୫ ବାର୍ହୁ ପାଚେ ଲେକା ଆଜ଼ି ମାଚାତ୍ ୧:୧ । ପାଉଲ୍ତି ହୁଦାଂ ଲେକା ଆଜ଼ି ମାଚି ରିଣ୍ଡି ଆକି ବିତ୍ରେତାଂ ଇଦାଂ ଆନାତା ପର୍ତୁମ୍ ଆକି । ହେୱାନ୍ ଆଜ଼ି ମାନାତ୍ ଇ ଆକି ଏପିସିତ ମାନି ୱେଡ଼ାଲିଂ ଲେକି କିଜ଼ି ମାଚାନ୍ । ମାସିଦନିୟାତାଂ କରନ୍ତିତ ମାନି ପୁର୍ବେତାଂ ଲେକି କିତାନ୍ନ୍ନା ୧୬:୫-୯ ।
ପାଉଲ୍ ଇ ଆକିତ ମଣ୍ଡ୍ଲି ବିତ୍ରେ କୁଦା ବାଗ୍ଆନାକା ଆରି କିୱିକାମାୟ୍ତ ଆହା ହୁଦାଂ ବାରବିନି ବାନ୍ୟା କାମାୟ୍ ଚାଲା ଆଜ଼ି ମାଚି ବିସ୍ରେ ମଣ୍ଡ୍ଲିନି କୁଟୁମ୍ତିଂ ତାଙ୍ଗ୍ ୱେନ୍ଞ୍ଜି ଉତର୍ ହିନିତ ଦିୟାନ୍ ହିନାନ୍ । କରନ୍ତି ଗାଡ଼୍ କିୱିକାମାୟ୍ ଆହା ବିସ୍ରେ ଜାଣାସୁଣା ମାଚାତ୍ । ଲାଗିଂ ମଣ୍ଡ୍ଲି ଇ ଆବ୍ଡ଼ୁକାଂ ଗିଟା ଆଜ଼ି ମାଚାତ୍ ଇବେ କାବା ଆନାକା ମୁଡ଼େ ଆକାୟ୍ । ପର୍ତୁମ୍ କରନ୍ତି ଜିଉନନାକା ଜପି ରଞ୍ଜାଙ୍ଗ୍ ଡାକ୍ପୁଟା ଆନାତ୍ ।
ଇ ପତି ବିସ୍ରେନି ରାହାଣ୍
୧. ପାଉଲ୍ କରନ୍ତିୟରିଂ ବନ୍ଦାୟ୍ କିତାର୍ ଆରି ହେୱାର୍ତି କାଜିଂ ଇସ୍ୱର୍ତିଂ ଜୱାର୍ ହିନାନ୍ । ୧:୧-୯
୨. ପାଉଲ୍ କରନ୍ତି ମଣ୍ଡ୍ଲିତାଂ ପାୟାତି ମଣ୍ଡ୍ଲି ବିନେ ବିନେ ବିସ୍ରେ ହିକ୍ୟା ହିନାନା । ୧:୧୦–୪:୨୧
୩. ବିନେନିକା ହେ କିୱି କାମାୟ୍ ଆହା ଆରି ରୱାନ୍ ବିନେ ଲଗାଂ ଦାର୍ଜିତ ଅନି ବିସ୍ରେ ଲେକି କିନାନା । ୫–୬
୪. ପାଚେ ବିବା ବିସ୍ରେ, ପୁତ୍ଡ଼ାତିଂ ପୁଜାକିନାକା, ଉପ୍ରିୟା ପାର୍ତାନା କିନାକା, ପୁଇପୁୟାତି ଦାନ୍ ଆରି ଆରେ ନିଂନାକା ଲେକି କିନାନା । ୭–୧୫
୫. ହାରିହାରା ହେୱାନ୍ ଏଚେକ୍ ଚିନ୍ତାକିନାକା ଆରି ଜାର୍ ବିସ୍ରେ ଲେକି କିଜ଼ି ୱିହ୍ନାନା । ୧୬