व्यवस्थाविवरण
व्यवस्थाविवरण
लिखने बालो
ई किताब मूसे लिखोरी थी इस मां तैना सारे उपदेश आन ज़ैना परमेशरे मूसेरे ज़िरिये इस्राएली लोकन दित्तोरे थिये। ज़ैखन इस्राएली लोक यरदन दरियाए पार केरने पुड़ थिये तैखन मूसे तैन शिक्षा दित्तोरी थी। ज़ैना गल्लां मूसे यरदन पार सारे इस्राएली लोकन सेइं ज़ोई तैना इना आन (व्यव. 1:1) आखरी अध्याय लिखने बालो कोई होरो आहे। किछ इतिहास ज़ानन बालां केरू मन्नू आहे कि तै यहोशू आहे।
लिखनेरी तारीक ते जगाह
लगभग 1446-1405 ई. पू.
ई किताब इस्राएली लोकां केरे वाधेरे मुल्खे मां गाने करां किछ वक्त पेइली लिखोरी थी।
शुन्ने पढ़नेबाले
इस्राएलेरी नंव्वी पीढ़ी जो ई किताब लिखी जेई ज़ै वाधेरे मुल्खे मां गानेरे लेई तियार थी (तैन केरे अम्मा-बाजी केरे मिस्रेरे मरां निस्सोरी 40 साल बादेरी पीढ़ी) पन ई किताब एजने बाले सब पवित्रशास्त्र पढ़ने शुन्नेबालां केरे लेई भी आहे।
मकसद
व्यवस्थाविवरण मतलब “दूइयोवं कानून” या “दुबारां कानून देनो।” ई किताब इन हिराती कि इस्राएली लोक वाधेरे मुल्खे मां गानेबाले आन, ते तैन गल्लन ज़ोतीए ज़ैना गल्लां परमेशर मूसेरे ज़िरिये इस्राएली लोकन दित्तोरी थी।
मूसे इस्राएली लोकन इन याद कराते कि तैन केरो परमेशर कौने, तैनी तैन केरे लेई कुन-कुन कियोरू आहे। ते तैना परमेशरेरे हुक्मन मन्न कि तैसेरे नंव्वे मुल्खे मां तैन सेइं सब ठीक भोए (व्यव. 6:1-3,17-19) इस मां इस्राएले याद कराव गाते कि तैन केरो परमेशर कौने (व्यव. 6:4) ते तैनी तैन केरे लेई केरां-केरां कम्मां कियोरन (व्यव. 6:10-12,20-23) मूसो तैन कां बिनती केरते कि इन हुक्मन एजने बाले पीढ़न मां ज़रूर पुज़ान (व्यव. 6:6-9)
खास मुद्दो
हुक्म मन्ने
रूपरेखा
1. मिस्र मरां इस्राएली केरू सफर 1:1—3:29
2. परमेशरे सेइं साथी इस्राएलेरी रिश्तो 4:1—5:33
3. परमेशरे सेइं वफादार रानेरी ज़रूरत 6:1—11:32
4. परमेशरे सेइं प्यार केन्च़रे केरम ते तैसेरे हुक्मन केन्च़रे मन्नम 12:1—26:19
5. बरकतां ते श्राप 27:1—30:20
6. मूसेरी मौत 31:1—34:12