1 थिस्सलुनीकियों
थिस्सलुनीकियों केरे नंव्वे पौलुसेरी पेइली चिट्ठी
लिखने बालो
पौलुस प्रेरित दूई बार इसेरो लिखने बालो ज़ोते (1 थिस. 1:1;2:18)। सीलास ते तीमुथियुस पौलुसेरे दूइयोवं प्रचारेरे सफरे मां तैस सेइं साथी थी (1 थिस. 3:2,6)। ज़ैखन तैनेईं कलीसिया शुरू कियोरी थी (प्रेरित. 17:1-9) तैखन तैनेईं तैट्ठां निसनेरे किछ वक्तेरां बाद तैट्ठेरे विश्वासी लोकन जो ई चिट्ठी लिखोरी थी। थिस्सलुनीके नगरे मां पौलुसेरी मसीही सेवाई सेइं सिर्फ यहूदी नईं बल्के गैर यहूदी भी विश्वासे मां आए। (1 थिस. 1:9)।
लिखनेरी तारीक ते जगाह
लगभग ई. स. 51
पौलुसे थिस्सलुनीकेरी कलीसियाई जो पेइली चिट्ठी कुरिन्थ नगरे मरां लिखोरी थी।
शुन्ने पढ़नेबाले
1 थिस. 1:1 मां केसेरे लेई ई चिट्ठी लिखी ई पतो च़लते, “थिस्सलुनीकेरी कलीसियाई नंव्वे” पन आम तोरे पुड़ ई चिट्ठी विश्वासी लोकन सेइं गल्लां केरतीए।
मकसद
ई चिट्ठी लिखनेरो पौलुसेरो मकसद थियो कि नंव्वे विश्वासी लोकन अज़मैइशरे वक्ते तैन केरि हिम्मत बधाए। (1 थिस. 3:3-5) ते भक्त ज़िन्दगी ज़ींनेरे लेई निर्देश दे (1 थिस. 4:1-12), ते मसीहेरे दुबारां एजने करां पेइले विश्वासी लोकन एजने बाले वक्तेरे बारे मां ज़ोए (1 थिस. 4:13-18) ते ज़ैना गल्लां केरो सुधार ज़रूरी तैन केरो सुधार केरे।
खास मुद्दो
कलीसियारे लेई फिक्र
रूपरेखा
1. शुक्र 1:1-10
2. प्रेरितां केरे कम्मां केरो ज़िक्र 2:1—3:13
3. थिस्सलुनीके नगरेरे कलीसियाई निसीयत4:1—5:22
4. आखरी प्राथना ते आशिर्वाद 5:23-28