MRK intro

ጎዳ ዬሱስ ኪሪስቶሴ ዛሎ'' ማርቆሴ ፃኣፔ ኮዦ ሓይሶ

ዓይፆ ካሮ''

ማርቆሴ ፃኣፔ ኮዦ ሓይሳ፦ «ሃይ ፆኦሲ ናዓሢ ዬሱስ ኪሪስቶሴኮ ኮዦ ሃይሶ ቤርቶኬ» ጌይሢና ዓርቃኔ፤ ሃኖ'' ኮዦ ሃይሴሎ ጋራ ዬሱሴ ማዻ ዓሲና ሓሣ ቢታንቶ ዓኣ ዓሲ ማዒ ጴዻኔ፤ ዒዛኮ ቢታንታኣ ዔርዚፆይዳ፥ ፑርቶ ዓያኖ ዑፆይዳ ዓኣ ዎልቆና ዓሲኮ ጎሜ ዓቶም ጌይፆናይዳ ጴዼኔ፤ ሓሣ ጊንሣ ዬሱሴ፦ «ዓሲ ጎሜ ዓይሉሞይዳፓ ኬሲ''፥ ታ ሼምፖዋ ዬያ ዛሎ'' ማሂ ጉሪ ዒንጋኒ ሙኬያ ታኣኒ ዓሲናይኬ» ጌዒ ፔ ቶኦኪና ኬኤዜኔ።

ማርቆሴ ዬሱሴ ዛሎ'' ዓኣ ሓይሶ ሺኢሼሢ ፒዜና ዶዲ ዎልቄና ዓኣ ጎይሢና ማዓዛ ዒዛኮ ባሼ ማሊፃ ዬሱሴኮ ቃኣሎ''ና ዔርዚፆናይዳቱዋንቴ ዒ ማዼ ዲቃሢ ሄርሺሳ ማዾ''ይዳኬ፤ ቃሲ'' ሓሣ ማስካ ዮሓኒሴ ዛሎ'' ሓይሶ፥ ዬሱሴኮ ዋኣፆና ማስቲፆና ፃላሄ ዬሱሴ ዻቢሻኑዋዖ ጌሼ ጌሺፆ ዛሎ'' ቃሚሢ ማዔ ዓይሢ ካራ ዒንጌሢኮ ጊንፃ ዬሱሴኮ ዔርዚፆና ሓርጊንቴ ዓሶ ፖዒሶ ማዾ'' ዛሎ'' ኬኤዛኔ። ጊንፃፓ ናንጊቤቃ ዬሱሴኮ ጊንፆ ሓንታ ናኣታ'' ዬሱሴ ኮሺ ዔሪ ዔሪ፥ ዱሴ ዎዶ''ና ዬሱሴ ዒፃ ዓሳኣ ባሼና ዒዛ ዒፂ ዒፂ ዴንዴኔ፤ ሓሣ ጋፒንፆ ዓይፆንሢ ዬሱሴ ሼምፓሢዳ ጋፒንፆ ቃልሾ ኬሎ'' ጋራ ማዺንቴ ማዾና ባሼ ዒዛኮ ሱፂንቶ ዛሎ''ና ሓይባ''ፓ ዔቂፆ ዛሎ''ዋ ኬኤዛያኬ።

ማፃኣፔላ ዱማ ዱማ ዓርቄ ባኮ

ኮዦ ሓይሶኮ ቤርቶ 1፥1-13

ዬሱሴኮ ጌሊላይዳ ማዾ''ና ዓሶ ቤርታ ፔጋዺፆ 1፥14—9፥50

ጌሊላይዳፓ ዬሩሳላሜ ሄላ''ንዳኣና ማዺንቴ ባኮ 10፥1-52

ጋፒንፆ ቃልሾ ኬላ'' ዬሩሳላሜይዳ ሓሣ ኮይሎ'' ዓጫ'' ማዺንቴ ባኮ 11፥1—15፥47

ዬሱሴኮ ሓይባ''ፓ ዔቂፆ 16፥1-8

ሓይባ''ፓ ዔቄ ጎዳኮ ጴዺፆና ሌካ ጫሪንጮ ዓኣዺፆ 16፥9-20