2JN intro

Iwarakha yo nayelhi i

Nayohana

Malhove o uholhelha

Iwarakha yo nayelhi i Nayohana ilhepiye ni akarumiya Nayohana iyaakha yo 90 baada yo uyaria wa Kuristo. Nayohana khaneehimiacha wiira phi lhempe iwarakha iyo, nansho aneechiihana ntu o wulhuvalha. Malhove ari nhina iwarakha yo nayelhi i Nayohana anoolhikaana venchi ni malhove ari nhina Malhove Orera a Yesu Kuristo thoko chilhepiye aya ni Nayohana. Anookurumicha nenno nlhove nno vanoolhumacha aya mwaha wo malheheriyo a Yesu anaacha uttunana naashineneru wo iphiro wo ulhikaaniha wiira, unttuna Yesu phi uvarechesha malheheriyo awe (nlhako wo 1:5-6, Yoha nlhako wo 15:9-10). Inorumelhelhiya wiira Nayohana aalhempe Malhove Orera a Yesu Kuristo thoko chilhepiye aya ni Nayohana ni iwarakha cho, yo upachera ni yo nayelhi ni yo neraru ilha vaari aya akhalhaka Uefeso.

Inakhalhaka Nayohana anolhepa ilha iwarakha ilha urweeha wa opani athanlhiye ni Nlhuku vamoka ni achishaana aya, nansho inoonia wiira yaalhikaaniha ni nlhoko wa attu anrumelhenlhe Kuristo ni wa attu yanrumelhenlhe Kuristo onkhaye. Nnikwa u Nayohana vaalhepa aya iwarakha ilha waari waahelha nrima milhoko cha attu anrumelhenlhe Yesu ni waamuka uhiyana ni mwaha wo weewelhelha owiittuchiha o woothacha.

Chiri nhina

Nayohana anoochokholha iwarakha aya wo uhimia wiira ilhakelhiye wa apani ni waashikuria attu anohalha ushoma ayo (nlhako wo 1:1-3).

Tho, anowaahelha nrima milhoko cha attu anrumelhenlhe Yesu ni woopusha nlheheriyo nulhupalhe (nlhako wo 1:4-6).

Thothoni, anowaamuka mwaha wo uhiyana owiittuchiha o woothacha (nlhako wo 1:7-11).

Nayohana anomalhiha iwarakha aya wo waalheha attu ni waavaha ibarakha (nlhako wo 1:12-13).