Tito
RI WUJ RI XUTZꞌIBꞌAJ RI PABLO CHE RI TITO
Majibꞌal re
Are xel loq ri Pablo pa cheꞌ je la pa ri tinimit Roma, xuto chi ri itzel taq kꞌamal taq bꞌe tajin keꞌkimenkꞌetij ri winaq ri e kꞌo pa ri komontyox ri utikom kanoq pa ri tinimit Éfeso. Rumal riꞌ xuya kanoq ri jun rachiꞌl chilaꞌ xutzꞌibꞌaj kan jun wuj che jawjeꞌ kuchilibꞌej wi chi kuꞌkꞌex ri e kꞌamal taq bꞌe xuqujeꞌ kukꞌex ri ucholajil ri tajin kabꞌanik.
We jastaq riꞌ tajin kakꞌulmataj pa ri chꞌaqaꞌp ulew sutital che jaꞌ ubꞌiꞌnam Creta. Ri Pablo xutaq kanoq ri jun rachiꞌl ubꞌiꞌnam Tito rech je ri kux ukꞌex wach chilaꞌ.
Ri uwuj ri Pablo ri xutaq che ri Tito man xwi ta che are xutaq wi xane chike xuqujeꞌ ri komontyox. Ri Pablo kuchilibꞌej che ri Tito ronojel ri kajawatajik kubꞌano, kubꞌij che jas ubꞌanik ri ucholajil ri jastaq xuqujeꞌ kutzꞌibꞌaj che jas rajawaxik kubꞌano chikichaꞌik ri kꞌamal taq bꞌe.
Ri Pablo kutzijoj kij ri e menkꞌetinel re taq ri kꞌutuꞌn, ri jupuq winaq aꞌj Israel ri kikojom ketal chibꞌil taq kibꞌ xuqujeꞌ ri winaq ri kakiqꞌil kibꞌ che kꞌyaqal taq rikil je xuqujeꞌ ri winaq ri kakitzukuj kꞌutuꞌn re menkꞌetibꞌal.
We riꞌ kꞌutuꞌn man katobꞌan taj rech kekꞌojiꞌk pa jun chꞌajchꞌoj laj kꞌaslemal.
Ri Pablo kubꞌij chike ri winaq chi are ri utoqꞌobꞌ ri Dios xukꞌut ribꞌ rumal riꞌ kutzuj kolotajem chike konojel ri winaq.
Ri utz laj tzij re ri Jesús are ketoꞌw ri kojonelabꞌ chukꞌaslebꞌexik ri kꞌakꞌ kꞌaslemal.
Ri Pablo kutzijoj chi karikꞌowisaj ri qꞌalaj je laꞌ pa ri tinimit Nicópolis, we tinimit riꞌ kꞌo pa ri elibꞌal qꞌij rech Macedonia xuqujeꞌ kubꞌij chi utz kamajix loq utzijoxik ri utz laj tzij je laꞌ pa ri elibꞌal qꞌij rech ri nim tinimit.
Ri Pablo kuꞌl ukꞌuꞌx chi ri Tito katobꞌan chukojik ucholajil ri jastaq ri tajin kakꞌulmataj pa Creta rech jeriꞌ kux rachiꞌl ri Pablo pa ri kꞌakꞌ chak.