Sie Peter
Leta Se Meet Sel
PETER
Tukakinyen Leta Se Meet Sel PETER
Leta Se Meet Sel Peter inge simla nu sin mwet Christian su fahsrelik nu tafunyen epang in Asia Minor, ac in leta se inge pangpang elos “mwet sulosolla lun God.” Sripa yohk lun leta se inge pa in akkeye insien mwet ma ac riti uh, su pulakin ma upa ac mwe akkeok ke sripen lulalfongi lalos. Mwet se sim inge el akesmakinyalos ke Pweng Wo ke Jesus Christ, su misa, moulyak, ac wulela mu el ac sifil foloko, ac ma inge pa sang finsrak yohk nu selos. Ke sripen ma kalem inge, elos enenu in muteng mwe keok nu selos uh, ac lulalfongi lah ma inge mwe srike kuiyen lulalfongi lalos, oayapa elos in etu lah ac fah oasr mwe moul itukyang nu selos ke “Len se ma Jesus Christ el ac sikme.”
Wi pac kas in akku lal nu ke pacl in ongoiya uh, mwet se ma simis leta se inge el oayapa kwafe nu sin mwet ma ac riti uh tuh elos in moul oana mwet su ma lun Christ.
Takla Lun Koanon Leta Se Inge
Kas in tukakunla 1:1–2
Kas in akesmakinye ke inkanek in molela lun God 1:3–12
Kas in kwafelos nu ke moul mutal 1:13—2:10
Ma kunen mwet Christian in pacl in keok 2:11—4:19
Moul pusisel ac kulansapu mwet ngia 5:1–11
Kas in aksafye 5:12–14