2 पतरस
पतरस लिखा हुआ दुसरा पत्र
पतरस लिखेल दुसरो पोत्रो
ओलखात
दुसरी पतरस ने पोत्री माय कियेल हे काय ज्यी प्रेरित पतरसान उगे रेन लेखाय जायेल एती। पुण आज ने कोलाक एकलीवालाह माणहाह ज्यो नाह लागेत काय ज्यो खेरी हे। ज्यो एय सिकेह काय एगदो दिहरो पतरसान उगे रेन लिखेल एय। लेखणार किथे काय तो यीशुन जीवणान एने खास केरीन वेह बोदेलने बुखेत खुद दिखेल ईतो। 1:17-18 केदी पतरस पोत्र लिखेल ईतो ते एय सिकेह काय तो रोम माय रेन 65-69 यीशुन जेल्मान पासाण एने मोरनेन पासाण लिखेल हे ज्यानकेरता काय ज्यी पोत्री पेल्ली पोत्रीन पासाण लेखायेल हे। 3:1 एने पतरस आखा बुरहो केरनारा माणहाह पोत्र लेखीन किथे।
पतरस ज्यी पोत्रीह हाजो जीवणो जीवणेन केरता ओंगाण केरने एने जुठा मास्तेर्यान पालेन नाह केरनेन केरता एने चेतावणी आपणे केरता लिखेल ईतो। 2 पतरस ता माणहाह नाह दिखेल केरनेन केरता खुस किऱ्यो जा केतेह काय यीशु पोशो आवणेन जुलूम लाम्बो टेम लेणे बाजरिनोह। तान सावाय पतरस केयो काय बोगवान दिऱ्यो नाह सोतो पुण आखाह वोचाड़ने हुदेह। 2 पतरस 3:8-9 ज्यो एक हाजालो जीवणो जीवणेन केरता एक कारेण हे। 3:14
रूपरेखा
1. पतरस सोतान ओलखात वाचणारान देखाड़ेह। 1:1-2
2. ओवतो तो हाजो जीवणो जीवणेन केरता एर केरावेह काहाकाय बोगवान आपणी हिऱ्यो हे। 1:3-21
3. तान पासाण पतरस जुठा मास्तेर्यान विरोद चेतावणी आपेह एने किथे काय सेवली बुखेत जुठा मास्तेर्या हेऱ्यो काय एय। 2:1-22
4. तान पासाण पतरस यीशुह पोशो आवणेन केरता तियार एणेन केरता हाजो जीवणो जीवणेन केरता बुरहो केरनाराह खुस किऱ्यो। 3:1-17