1 तीमुथीयुस
तीमुथीयुस पौलुस ने लिखा हुआ पहला पत्र
तीमुथीयुस पौलुस लिखेल पेल्लो पोत्रो
ओलखात
पेल्लो तीमुथीयुसान पुस्तेक प्रेरित पौलुसान उगे रेन तान चेलो तीमुथीयुसाह लेखाय जायेल पोत्र हे। तीमुथीयुस शायद मसीन जेल्मान 62-64 वोरह्या बाद लेखाय जायेल एतो। ज्यो पौलुसान जीवणान सेवले टेम माय एय। पौलुस तीमुथीयुसा हिऱ्यो मोजबुत समंद मेली एने ताह कोलीक वार सोरान रूप माय लिखेल हे। फिलेपियो 2:22, 1 तीमुथीयुस 1:2–1:18
ज्यो पौलुसान चार पोत्राम रेन एक हे जाह मोंडली केणेन रेणदेन एगदा माणहाह संबोदित केराय जाथे। दिहरा तीन पोत्रा 2 तीमुथीयुस, तीतुस एने फिलेमोन। 1 तीमुथीयुस माय मोंडलीन पुजा 2:1-15 मोंडलीन अगुवान योग्यता, 3:1-13 एने जुठा मास्तेर्यान विरोद चेतावणी। 1:3-11; 4:1-5; 6:2-5 ज्यो देखाड़ेह काय किहीक पौलुस तीमुथीयुसाह मोंडलीन विचीम अगुवा बोणनेन हिकवोण आपणे बाजरियेल ईतो। 1 तीमुथीयुस माय कोलाक सिदान्त हेते जा आपणी मोंडली माय स्थानिय मोंडलीन सेवा केरने माय मोदेक केर सेकतेह।
रूपरेखा
1. पौलुस तीमुथीयुसाह नमस्कार केरीन सुरवात किरेह। 1:1-2
2. पौलुस जुठा मास्तेर्यान विरोद चेतावणी आपेह। 1:3-11
3. पौलुस यीशु मसीन केरता कोलोक आबारी ईतो तो केणे। 1:12-19
4. ओंगाण तो तीमुथीयुसाह मुरती पुजा एने मोंडलीन अगुवान बाराम किथे। 2–3
5. पौलुस तीमुथीयुस ने केरता व्यक्तिगत निर्देश हेऱ्यो पोत्री निवरावेह। 4–6