2 Thesalonithek
THESALONITHEK
Shii Phaul Re-è Nyichiieng pha Jigigam
Yaophi
Thesalonikha charch shii Masi iidoh wuii phro ne yua pha muyuathek sang asi pha ne bajo um ro. Phaul è dinpha jigi Thesalonikha shii zey pha ji ne Ithong wuii ruii pha inai pha muyuathek shii sang yao phi pha, Phaul è hì pha muyua shii sang yao phi pha zey ro. Masi iidoh khid pha ibi shii layog pha blia bajo rey ruii phro. Awie pha dumuii anomuluii pha cheb rey ruii phro hanyie “Awie Jia” rone yao ruii phro, chiih-è ai ne Masi shii suang rek ruii phro.
Phaul è thampho shii ithek ne Diig duhug shii magunde ithek ro migi shii gang rai bone hì pha jigi è yao, awaithek ro chai pha bang wiang bone yao ro, chiih-è Phaul nane airo ijakthek duiine blia rek ne chiih-è idang wie blia rek pha bidiang bo.
Iliing shii um pha ji
Yaophi (1:1-2)
Chiong nane lububo (1:3-12)
Masi wuii ruii pha ji yao (2:1-17)
Masipho ziig (3:1-15)
Jongsha (3:16-18)