RUT intro

ሩኡቴ ማፃኣፖ

ዓይፆ ካሮ

ሚርጌና ኮሺ ባኣዚ ኬኤዚንቴ፥ ሩኡቴ ማፃኣፖ ሃይሳ ጊኢጊሺንቲ ዔውቴሢ ዒስራዔኤሌ ዓሶ ሱኡጋ ዎይሣ ዎዶና ዓሳ ፆኦሲ ዒጊጪ ካኣሽኪፆ ሃሺ ፔ ሼኔ ጎይሢ ናንጌም ዓሶኮ ናንጋ ፑርቲ ዓኣንቴኬ፤ ዒማና ሞዓኣቤ ዓጪ ዓሲ ማዔ፥ ሩኡቴ ፔቴ ዒስራዔኤሌ ዓሲስኬያም ሌዒ ናንጋንቴ ዓኒ ዒዞኮ ሃይቃዛ ዒስራዔኤሌ ዓሲ ማዔ፥ ዒዞኮ ዓሆፓ ዱማዻዓ ጌዒ ሚርጌና ዓሆም ጉሙርቂንታያ ማዔኔ፤ ዬያጉዲ ሃሣ ዒስራዔኤሌኮ ፆኦዛሢ ማዔ ናንጊና ናንጋ ጎዳ ኮሺ ዒዛ ናሽኬኔ፤ ጋፒንፆይዳ ዒዛ ዒዞኮ ቤርታኣ ዓኒ ማኣሮ ዓሶፓ ፔቴ ዓሲስኬያም ሎዔኔ፤ ዒዛ ያዺዴሢሮ ዒስራዔኤሌኮ ዔርቴ ካኣታሢ፥ ዳውቴኮ ቤርታኣ ዓሆ ማዒሢኮ ባሊቲና ዓኣ ዓሲ ዒዛ ማዔኔ።

ዒስራዔኤሌ ዓሶኮ ሱኡጎ ማፃኣፖይዳ ዓኣ ሃይሳ ፆኦሲ ዓሳ ፆኦሲዳፓ ሃኬሢሮ ዔያቶ ሄሌ ባይሲንታ ኬኤዛኔ፤ ሩኡቴ ማፃኣፖይዳ ዓኣ ሃይሳ ጋዓንቴ ዒስራዔኤሌ ፆኦዛሢ ማዔ ናንጊና ናንጋ ጎዳ ባንሢ ማዔ ሜሌ ዴሬ ላኣሊ ዴንቃንዳ ዓንጆና ፆኦሲም ጉሙርቂንታያ ማዔ፥ ዒዛኮ ዴሮ ባኣካፓ ፔቴዞ ማዓኒ ዒዛ ዳንዳዔሢያ ኬኤዛኔ።

ሃና ማፃኣፔላ ፃኣፒንቴሢኮ ማሊፃ፦ ፆኦሲኮ ማኣሪፃ ዒዛ ዴሮ ማዒባኣ ዓሶንታ ዒዚ ጋዳንቄ፥ ሞዓኣቤ ዓሶጉዴ ዓሶማኣ ፔጋዺ ጴዼሢ ኬኤዛኒኬ። (ላሚ. ዎማ 24፡4)፤ ቃሲ ሃሣ ጎዳ ዬሱሴኮ ዜርፃ ዒዛፓ ሙኬ፥ ካኣቲ ዳውቴ ሾይንቶ ዜርፆ ዛሎ ኬኤዛኒኬ። (ማቲ. 1፡5)

ማፃኣፔላ ዱማ ዱማ ዓርቄ ባኮ

ናዖሚኮ ሩኡቴና ዎላ ቤኤቴሌሜ ማዒ ዴንዲፆ (1፡1-22)

ቦዔዜና ሩኡቴናኮ ዎላ ዔርቲፆ (2፡1—3፡18)

ቦዔዜኮ ሩኡቴ ዔኪፆ (4፡1-22)