यहूदा
यहूदा का पत्र
यहूदा को चिठ्ठी
परिचय
यहूदा नावको चिठ्ठी एको लेखक को नाव पर राखयो गयो से। यहूदा खुदला यीसु को भाऊ, याकूब को रूपमा पेहचान करावासे। एकोलाय वोला यीसु को भाऊ गीन लक एक मानो जावासे 1। अमीला मालुम नाहती का यो चिठ्ठी एक खास चरच को लाय होतो। अखीन जूनो करार को परसंग को कारन, यहूदा को मूल वाचन वारो यहुदीगीन होतिन। हालाँकि, उ आपरो चिठ्ठी ला “उन सबा को नाव संबोधित करासे, जोन बुलायो गयो सेत। जोन परमेस्वर अजी लक पिरेम कियो जावासे, अखीन यीसु मसीह को लाय रखो जावासे।” यो चिठ्ठी साईद यीसु को जलम को 60 साल को आखापाखा लिखयो गयो से।
सब ईसाई गिनला चिठ्ठी लिखन को वोको उद्देस्य उनला खोटो सिक्सक कन लक बरगलान को खिलाप चेतावनी देवासे। यहूदा 4 उ आपरो तरक ला बल देवन को लाय जूनो करार को घटना परसंग देवासे। यो चिठ्ठी 2 पतरस को संग लगत बिचार को साझा करासे। जोन लक खोटो सिक्सक को खिलाप चेतावनी यहूदा 1:4 2 पतरस 2:1 को संग-संग सरगदूत गीन अखीन सदोम अना अमोरा को सर्न्दभ सामिल से।
रूपरेखा
1. यहूदा पहले आपरो बाचन वालो ला संबोधित करासे। 1:1-2
2. मंग उ लिखन को आपरो कारन सांगासे। जोन वोला खोटो सिक्सक गीनको खिलाप चेतावनी देवनो से। 1:3-4
3. मंग उ जूनो करार मा लोक गिनको घटना को उदाहरन देवासे। 1:5-16
4. मंग उनला सांगासे का चेतावनी को लाय उनको काजक परतिकिरिया होवनो पाहिजे। 1:17-23
5. अखट्ट मा परमेस्वर को स्तुति करतो हुयो चिठ्ठी ला बंद करासे। 1:24-25