याकूब
याकूब का पत्र
याकूब को चिठ्ठी
परिचय
याकूब को किताब याकूब नामको कोनी मानूस लक लिख्यो गयो से। यो साइद यीसु को भाऊ होतो जोन सुरुवाती चरच को नेता होतो। अखीन यरुसलेम को कमेटी को एक भागीदार होतो। पेरीत 15:13 पेरीत पौलुस ने वोला गलातियो 2:9 मा कलीसिया को मुंडा भी कहयो होतो। विद्वान गिनको असो माननो होतो का यो किताब ईसा के जलम को करीब 50 साल मघानी लिख्यो गयो से। पर याकूब अबा यरुसलेम को कलीसिया को नेता होतो। वोना वहान रहतो बेरा च साइद यो किताब लिख्यो होतो।
याकूब आपरो किताब मा गैरयहुदी मा बगरो हुयो 12 गोत को नाव ला संबोधित करासे। 1:1 याकूब को पाठ सब ईसाई लोक गीनमा लागू होवासेत। पर “बारा गोत” सबद ला बवजनो पर यो संभव हो जासे का याकूब सिद्दो यहूदी ईसाई गिनला लिख रहयो होतो। पर यो किताब वाचन वारो को एक मोठो समूह तकन पोहचन को लाय होतो। वोना लगत बिसय ला संबोधित कियो से। याकूब भरोसा अखीन काम को बीच मा जोन नातो से वोको पर धियान दिलानो चाव्हासे। सच्चो भरोसा काम कर के दिसायो जावासेत। 2:17 उ धनी लोक गिनको पक्स लेवन को बिरोध करासेत अना चेतावासे। 2:1-4 अखीन कव्हासे का अमी जोन कव्हा सेजन वोको लाय अमीला सतरक रव्हनो पाहिजे। 3:1-12
रूपरेखा
1. याकूब मा आपरो वाचन वारो ला नमस्कार कव्हासे। 1:1
2. मघानी वा मसीह गिनला दुख झेलन को बारेमा अना मजबूत रव्हन काजी उकसावा सेत। 1:2-27
3. मंग उ कव्हासे का भरोसा को लाय करम लक चोवानो कसो जरुरी से। 2:1-26
4. मंग उ कव्हसे का सबद कितरो ताकतवर होय सका से। 3:1-12
5. तब याकूब समजावासे का कसो परमेस्वर को अक्ल संसार को अक्ल लक बेगरो से। 3:13—4:10
6. मंग उ आपरो वाचन वालो ला गरब करन को खिलाप चेतावासे। 4:11—5:6
7. याकूब काही सरल निरदेस देयके आपरो किताब ला पूरो करासेत। 5:7-20