1 पतरस
पतरस का प्रथम पत्र
पतरस को पहेलो चिठ्ठी
परिचय
1 पतरस को चिठ्ठी पेरीत पतरस को लक लिख्यो गयो होतो। पतरस आपरो चिठ्ठी को सुरुवात असो लिख के करासे का वा कोनाय अना कोनला लिखा से। वोना उन सबा मसीही गिनला संबोधित करयो से जोनला वा “अन्जान” 1:11:17 अना 2:11 कहयो होतो। वोना आपरो वाचन वारो असो परकार लक लगत बार कहयो काहेका वय लगत देस मा बगरो हुयो होतिन। काहेका यो चिठ्ठी लगत मायना मा इफिसियो ला लिख्यो गयो पौलुस को चिठ्ठी लक मिलतो-जुलतो से। लगत सो लोक असो मानासेत का 1 पतरस इफिसियो को मघा मसीह को जलम को करीब 65 साल को मघानी लिख्यो गयो होतो। पतरस ना यो चिठ्ठी रोम मा लिख्यो गयो होतो। जोनला वोना बाबुल कहयो होतो 5:13
पतरस कव्हासे का वोना यो चिठ्ठी “तुम्हिला बढ़ावा देवन अखीन यो गोस्टी को गवाही देवन को काजी लिख्यो से का यो भगवान को सच्चो किरपा से।” 5:12 1 पतरस 2:11—3:7; इफिसियो 5:18; 6:9; अखीन कुलुस्सियो 3:18—4:6 को बीच लगत बरोबरी से। ये तीनो खंड परिवार गिनको नातो अखीन हुकूम माननो अधिकारी गिनको बारे मा निरदेस देवासेत। उ ईसाई गिनला भी बढ़ावा देवासेत का जबा दुख होय तबा वय पक्को रहेत काहेका अखट्ट बेरा जवर से। 4:1
रूपरेखा
1. पतरस अपरो परिचय देवासे। अखीन अपरो वाचन वारो ला संबोधित करासेत। 1:1-2
2. मंग उ भगवान ला वोना सूटकारा लाय धन्यवाद देवासे। जोनला सब साझा करासेत। अखीन जोन उनको जिंदगी को लाय मायना रखा सेत। 1:3—2:10
3. मंग उ बिस्वासी गिनला निरदेस देवासेत। का कसो यो दुनिया मा साजरा लक रव्हनो से। अखीन नवरा बायको दास मालक को बीच कसो रिस्ता होवनो पाहिजे। 2:11—4:11
4. मंग पतरस उनला दुख सहनो पर लगयो रव्हन को लाय बढ़ावा देवासे। 4:12—5:11
5. मंग उ आपरो चिठ्ठी ला बंद करासे। 5:12-14