ଜିହୁଦା
ଯିହୁଦାଙ୍କଠାରୁ ଲିଖିତ ପତ୍ର
ଜିହୁଦାଦି ମାଡ଼ାନ୍ ରାସାତି ଆକୁ :
ଇୟା ଆକୁଦି ମାନି ଏସ ମାଟା
ଇୟା ଆକୁ ରାସ୍ତିମାନି ଦରୁ ଇସାବ୍ତାନ୍ ଜିହୁଦା ରାସାତାମାନାତ୍ । ଜିହୁଦା ନିଜେଦିଙ୍ଗ୍ ଜାକୁବ ମାରି ଜିସୁଦି ତୋଡ଼ାନ୍ ଇଜି ପରିଚୟ୍ ସିନାନ୍ । ଆଦେଙ୍ଗ୍ ୱାନିଙ୍ଗ୍ ଜିସୁଦି ତଡ଼ାନ୍ ଲୋଇ ଅରେନ୍ ଇଜି ବିସ୍ବାସ୍ କିନାର୍ ୧ ପାଡ଼ିଇ ନିୟମ୍ତି ବିସୟ୍ତିଙ୍ଗ୍ ଉଦ୍ଧାର୍ କିତିମାନିଙ୍ଗ୍ ଇକା ଉନ୍ଡ୍ରେ ଟିକ୍ ମଣ୍ତଲିଦିଙ୍ଗ୍ ରାସ୍ତିମାନି ୱାଜା ମନେଆଜିନାତ୍ । ଜିହୁଦା ଆକୁଦିଙ୍ଗ୍ ପୋଡ଼ାନିକାର୍ ଜିହୁଦି ଲୋକା ୱାଜା ପରିଚୟ୍ ସିନାର୍ ଏମେକାର୍ କି ବୁବା ମାପୁରୁଦିଙ୍ଗ୍ ଜିବନ୍ନୋନାର୍ ଜିବନ୍ତାନ୍ କ୍ରିସ୍ତଦି ଉଣ୍ତିଙ୍ଗ୍ ଇଟ୍ତାମାନାର୍ ୧ ଆମା ଆମାକା ବା ଆପିତ୍ ଜିହୁଦା ୱିଜେରେ କୁକାୟ୍ ଆତିମାନି ଲୋକାଙ୍ଗ୍ ନିଜେଦି ବିଷୟତାନ୍ ୱେର୍ସିନାନ୍ । ଇୟା ଆକୁ ପାକା ପାକି ଜିସୁ କ୍ରିସ୍ତଦି ଜନମ୍ ୱେନ୍କା ୬୦ ବାର୍ସେକ୍ ୱେନ୍କା ରାସାତା ମାର୍ହାତ୍ ।
ଇୟା ଆକୁ ଏମେକାର୍ ବଣ୍ତକ୍ରିସ୍ତରି ତୋରିନ୍ ସଲ୍ସିମାର୍ଆର୍ ୱାନ୍ ୱିଜେରେ କ୍ରିସ୍ଟିୟାନ୍କାଙ୍ଗ୍ ଜାଗ୍ରାତା କିନି ଉଣ୍ତିଙ୍ଗ୍ ରାସାତାମାରାତ୍ । ୱାନ୍ ୱାରି ବିସୟ୍ତାନ୍ ଡାଟ୍ତି ୱାଜା ପାଡ଼ିଇ ନିୟମ୍ ବିସୟ୍ ମାରି ଗଟନା ବିସୟ୍ ୱେର୍ସିନାନ୍ । ଇକା ଆକୁଦୁ ମିଚ୍ ଗୁରୁରି ବିରୁଦ୍ଧତାନ୍ ପିତରତି ମାରିଉନ୍ଡ୍ରି ଆକୁଦୁ ରାସାତିମାନି ଚିନ୍ତାଦି ବିସୟ୍ ୱେର୍ସିନାନ୍ । ଇୟାମାଡ଼ାନ୍କୁ ଦୁତ୍ ମାରି ସଦମ ଗୋମରାଦି ବିସୟ୍ତାନ୍ ବା ରାସାତା ମାନାତ୍ ଜିହୁଦା ୪ ମାରି ୨ ପିତର ୨:୧ ।
ଇୟା ଆକୁଦୁ ମାନି ମୁକିୟ ବିସୟ
୧. ଇୟା ଜିହୁଦା ଆକୁ ବିସୟ୍ତାନ୍ ୧ ଜିହୁଦା ଆଗିଡ଼ିନେ ୱାରି ପୋଡ଼ାନି ୱାରିଙ୍ଗ୍ ପରିଚୟ ସିଜିନାନ୍ । ୧:୧-୨
୨. ବଣ୍ତଗୁରୁରି ବିରୁଦ୍ତାନ୍ ଜାଗ୍ରାତା କିଜିନାନ୍ । ୧:୩-୪
୩. ୱାନ୍ ପୁର୍ବେକାଡ଼ାଦି ନିୟମ୍ତି ଲୋକାଙ୍ଗ୍ ମାରି ବିସୟ୍ତିଙ୍ଗ୍ ଅସି ବୁଜା କିଜିନାନ୍ । ୧:୧୫-୧୬
୪. ଜାକୁବଦି ଜାଗ୍ରାତା ପାଣି ୱାରି ଦାଇତ୍ ଇନିକା ଆନାତ୍ ୱାନ୍ ଅଡ଼୍ବିନାନ୍ । ୧:୧୭-୨୩
୫. ସାରାସାରି ମାପୁରୁଙ୍ଗୁଁ ଗୌରବ୍ ସିଜି ଆକୁ ୱିସ୍ନାନ୍ । ୧:୨୪-୨୫