ଯିହୁଦା
ଯିହୁଦା ଲିଖିତ ପତ୍ର
ଯିହୁଦା ଲେକ୍ତାଦ୍ ଚିଟି
ଯିହୁଦା ବଇ ବିଷୟ୍ତେ ଅଣ୍ଡୟ୍ ପଦ୍
ଇଦ୍ ଚିଟି ଲେକ୍ତେନନ୍ ପେଦେର୍ ଇସାବ୍ତେ ଇଦ୍ ବଇତେ ପେଦେର୍ ଇତ୍ତଡ଼୍ । ଯିହୁଦା ନିଜେ ଯାକୁବ ନୁ ଜିସୁନ୍ ତାମୁଣ୍ଡ୍ ଇଞ୍ଜ ପରିଚୟ୍ ଇଦ୍ତଣ୍ଡ୍ । ଆଦିଙ୍କ୍ ଅଙ୍କ୍ ଜିସୁନ୍ ତାମୁଣ୍ଡ୍ ଲୋପେଙ୍କ୍ ୱେରଣ୍ଡ୍ ଇଞ୍ଜ ବିଶ୍ୱାସ୍ ମାଡ଼ିତାଡ଼୍ ୧ । ପୁରାତନ୍ ନିୟମ୍ତେ ପ୍ରସଙ୍ଗତିଙ୍କ୍ ଲେକିମାନ୍ଦାନ୍ ମାୟ୍ଦିଙ୍କ୍ ଇଦ୍ ଅଣ୍ଡୟ୍ ସ୍ୱତନ୍ତ୍ର ମଣ୍ଡଲିତିଙ୍କ୍ ଲେକାଆସ୍ ମାନ୍ଦାନ୍ ରକମ୍ ମନେ ଆଦ୍ତେ । ଯିହୁଦା ଚିଟିତ୍ ନିଜାମ୍ କାର୍ତାନଡ଼୍ ଯିହୁଦୀ ରକମ୍ ପରିଚିତ୍ ଆଦ୍ତଡ଼୍-ବେନଡ଼୍ କି ବାବାଲ୍ ଇଶ୍ୱର୍ତେ ପ୍ରେମତଡ଼୍ କ୍ରିଷ୍ଟନ୍ ସେଙ୍ଗେ ନେଃଏତଡ଼୍ । ଆଦ୍ ବାତ୍ଆୟି ଯିହୁଦା ସାର୍ରେ ଆହ୍ୱାନ୍ ପାଏମ୍ଆତ୍ତେ ନାରୁଡ଼୍କିଙ୍କ୍ ପାତା ଇଦ୍ତଣ୍ଡ୍ । ଇଦ୍ ଚିଟି ପାକାପାକି ଜିସୁ କ୍ରିଷ୍ଟନ୍ ଜନମ୍ ପେର୍କେ କ୍ରିଷ୍ଟାଦ୍ଦ ୬୦ ୱେଲେ ଲେକା ଆସ୍ମାତ୍ତେ ୧ ।
ଇଦ୍ ଚିଟି ବେନଡ଼୍ ବୁସା କ୍ରିଷ୍ଟଡ଼ାକ୍ ଆଞ୍ଜ ମାତ୍ତଡ଼୍ ଅଡ଼୍ ସାର୍ରେ କ୍ରିଷ୍ଟିୟାନ୍ ନାରୁଡ଼୍କ୍ ସତର୍କ ମାଡ଼ାନ୍ ଉଦ୍ଦେଶ୍ୟତେ ଲେକା ଆସ୍ମାତ୍ତେ । ଯିହୁଦା ୧:୪ ଅଣ୍ଡ୍ ତାନ୍ ଗଟ୍ତାଗ୍ ଗାଡ଼୍ସ୍ ମାନ୍ଦାନ୍ ମାୟ୍ଦିଙ୍କ୍ ପାଃନ୍ତେ ନିୟମ୍ତେ ପ୍ରସଙ୍ଗ ମେଣ୍ଡେ ଗଟନା ବିଷୟ୍ କେତିତଣ୍ଡ୍ । ଇଦ୍ ଚିଟିତାଗ୍ ମିଚ୍ ମେସ୍ତେରିଡ଼୍ ବିରୁଦ୍ତେ ପିତର୍ତେ ଦ୍ୱିତୀୟ ଚିଟିତାଗ୍ ଲେକା ଆସ୍ମାନ୍ଦାନ୍ ଚିନ୍ତାଦାରା ତଡ଼୍ କାୟ୍ଲୁତ୍ । ଇଗେ ଦୂତ ନୁ ସଦମ୍ ଗମରା ବିଷୟ୍ତେ ଗାଲା ଲେକା ଆସ୍ମିନ୍ଦେ ଯିହୁଦା ୪, ମେଣ୍ଡେ ୨ ପିତର୍ ୨:୧ ।
ବଇତ୍ ଲୋପେ ମାନ୍ଦାନ୍ ମୁକ୍ୟ ବିଷୟ୍
୧. ଯିହୁଦା ମୁନେନ୍ ତାନ୍ କାର୍ତାନଡ଼୍କିଙ୍କ୍ ପରିଚୟ୍ ଇୱିଣ୍ଡ୍ । ୧:୧-୨
୨. ମିଚ୍ ମେସ୍ତେରିଡ଼୍ ବିରୁଦ୍ତେ ସତର୍କ ମାଡ଼ିତଣ୍ଡ୍ । ୧:୩-୪
୩. ଅଣ୍ଡ୍ ପାଃନ୍ତେ ନିୟମ୍ତେ ନାରୁଡ଼୍କିଙ୍କ୍ ମେଣ୍ଡେ ଗଟନାତିଙ୍କ୍ ଆସ୍ ଉଦାରନ୍ ଇଦ୍ତଣ୍ଡ୍ । ୧:୫-୧୬
୪. ଯାକୁବନ୍ ସତର୍କ ସୁଚନାତାଗ୍ ଅଡ଼ାଦ୍ ଦାୟିତ୍ୱ ବାତେ ଆଦ୍ତେ ଆଦ୍ ବିଷୟ୍ତେ କେତିତଣ୍ଡ୍ । ୧:୧୭-୨୩
୫. ମାଡ଼େଙ୍ଗ୍ ଇଶ୍ୱର୍ତିଙ୍କ୍ ଗୌରବ୍ ଇସ୍ ଚିଟି ତେର୍ସ୍ପିତଣ୍ଡ୍ । ୧:୨୪-୨୫