୨ ତୀମତି
ତିମତିଙ୍କ୍ ନିକଟକୁ ପାଉଲଙ୍କ ଦ୍ୱିତୀୟ ପତ୍ର
ତୀମତିନ୍ ଗାର୍ରେ ପାଉଲ୍ତେ ଦ୍ୱିତୀୟ ଚିଟି
ତୀମତି ବଇ ବିଷୟ୍ତେ ଅଣ୍ଡୟ୍ ପଦ୍
୨ ତୀମତି ବଇ ପାଉଲ୍ତାଗାଙ୍କ୍ ତାନ୍ ଶିଷ୍ୟ ତୀମତିନ୍ ଗାରେ ଲେକା ଆତ୍ତେ ଚିଟି । ୨ ତୀମତି ପାଉଲ୍ତେ ଜିୱୁଣ୍ଡ୍ତାଗ୍ ମାଡ଼େଙ୍ଗ୍ ଲେକା ଆତ୍ତେ ଚିଟି । ଇଦ୍ ସମୟତେ ଅଣ୍ଡ୍ ରୋମ୍ତାଗ୍ ବନ୍ଦି ମାତ୍ତଣ୍ଡ୍ ୧:୧୬ ପାଉଲନ୍ ତଡ଼୍ ତୀମତିନ୍ ଗାଟି ସମ୍ପର୍କ ମାତ୍ତେ ମେଣ୍ଡେ ସାର୍ରେଦାମ୍ ଅଂକିଙ୍କ୍ ମାର୍ ଇନା ଲେକ୍ତଣ୍ଡ୍ ଫିଲିପିୟ ୨:୨୨; ୧ ତୀମତି ୧:୨; ୧:୧୮ ଇଦ୍ ପାଉଲ୍ତେ ନାଲୁ ଚିଟି ଲୋପେଙ୍କ୍ ଅଣ୍ଡୟ୍ ବେଗେ ମଣ୍ଡଲିତିଙ୍କ୍ ୱେରଣ୍ଡ୍ ନାରୁଣ୍ଡ୍ ଲେକ୍ତଣ୍ଡ୍ । ମେଣ୍ଡେ ମୁଣ୍ଡ୍ ଚିଟି ସାର୍ରେ ଆଦୁତେ ୧ ତୀମତି, ତୀତସ୍ ନୁ ଫିଲିମନ୍ । ଦ୍ୱିତୀୟ ଚିଟି ଲେକା ଆଦାନ୍ ୱେଲେ ରୋମୀୟ ସାମ୍ରାଜ୍ୟତାଗ୍ ତାଡ଼ନା ମାଡ଼ମାତ୍ତଡ଼୍ । ସମ୍ବାବନା ଇଦ୍ କାରନ୍ ମାନ୍ଦାନ୍ ମାୟ୍ଦିଙ୍କ୍ ପାଉଲ୍ ବନ୍ଦି ମାତ୍ତଣ୍ଡ୍ ନୁ ତୀମତିଙ୍କ୍ କଷ୍ଟ ସୟେମ୍ ମାଡ଼ାନଙ୍କ୍ ନିର୍ଦ୍ଦେଶ୍ ଇସମାତ୍ତଡ଼୍ । ୧ ତୀମତି ଲେକାମ୍ ପାଉଲ୍ ତୀମତିଙ୍କ୍ ମିଚ୍ ଗୁରୁଡ଼୍ ବିଷୟ୍ତେ ନାର୍ଗେ ସତର୍କ ସୁଚନା ଇଦ୍ତଣ୍ଡ୍ । ୧ ତୀମତି ୧:୧୬-୧୮ ପାଉଲ୍ ତୀମତିଙ୍କ୍ କେତିତଣ୍ଡ୍ ଯେ, ବବିଷ୍ୟତେ ନାର୍ଗେ କଷ୍ଟତାୱୁ ସମୟ୍ ମିନ୍ଦେ ୩:୧ ।
ବଇତ୍ ଲୋପେ ମାନ୍ଦାନ୍ ମୁକ୍ୟ ବିଷୟ୍
୧. ପାଉଲ୍ ତୀମତିଙ୍କ୍ ନମସ୍କାର୍ କେତିତଣ୍ଡ୍ ନୁ ଅଂକିଙ୍କ୍ ସାହାସ୍ ଇଦ୍ତଣ୍ଡ୍ । ୧:୧-୧୮
୨. ତୀମତିଙ୍କ୍ ଗାଡ଼୍ସ୍ ପ୍ରମାନ୍ ମାଡ଼ି ତଅତାନ୍ ସେଙ୍ଗେ ପାଉଲ୍ ସାହାସ୍ ଇଦ୍ତଣ୍ଡ୍ । ୨:୧-୧୩
୩. ପେର୍କେ ପାଉଲ୍ ବେସ୍କେ ସାଦାରନ୍ ପରାମର୍ଶ୍ ଇଦ୍ତଣ୍ଡ୍ । ୨:୧୪-୨୬
୪. ବବିଷ୍ୟତ୍ ଗଟନା ବିଷୟ୍ତେ ସତର୍କ ମାନ୍ଦାନାଦ୍ ନୁ ନିଜାତ୍ ଆର୍ ଏଞ୍ଚାନ୍ ସେଙ୍ଗେ ସତର୍କ ମାଡ଼ିତଣ୍ଡ୍ । ୩:୧–୪:୮
୫. ପାଉଲ୍ ତୀମତିଙ୍କ୍ ବେସ୍କେ ନିଜର୍ ବିଷୟ୍ତେ କେସ୍ ଲେକା ତେର୍ସ୍ପିତଣ୍ଡ୍ । ୪:୯-୨୨